Ленскэй дьаһалтата ыкка ытыртарбыт оҕоҕо 100 тыһ.солк. төлүөҕэ

СӨ борокуратууратын пресс-сулууспата иһитиннэрбитинэн, Ленскэй оройуонугар ыкка ытыртарбыт оҕо туһатыгар олохтоох дьаһалтаттан 100 тыһ. солк. төлөбүрү төлүүр туһунан суут уураахтаабыт.

Ленскэй куоратын дьаһалтата бэйдиэ сылдьар ыттары тутууга ханнык да миэрэ ылбатаҕын түмүгэр, 12 саастаах оҕоҕо  бэйдиэ сылдьар ыт саба түһэн ытырбыт. Оҕо эт-сиин уонна уйулҕа өттүнэн эмсэҕэлээһини ылбыт.