Бэрэппиэссэрдэр түөкүттэр хабаларыгар киирдилэр

Бэрэппиэссэрдэр түөкүттэр хабаларыгар киирдилэр

Ааптар:
20.03.2024, 12:02
Хаартыска СИА.
Бөлөххө киир:
Хомойуох иһин, Саха сирин олохтоохторо дистанционнай түөкүттэр албыннарыгар киириилэрэ   күннэтэ тахса турар. Икки күн иһигэр үрдүк үөрэх кыһатын бэрэпиэссэрдэрэ түөкүттэргэ 3 мөл. солк. кэриҥэ харчыны ыыппыттар. Бу туһунан Ис дьыала министиэристибэтин пресс-сулууспата иһитиннэрэр.

Ол курдук,  87 саастаах бэрэпиэссэргэ видеосибээһинэн   «МТС» суотабай операторын сымыйа үлэһитэ эрийбит уонна  дуогабарын туһунан  токкоолоспут.  Ол кэннэ бэрэпиэссэр  онлайн-бааныгар  баан үлэһиттэрэ кини логинын уонна паролун туһанан киирэ сатаабыттарын туһунан эппит.  Аны бу кэнниттэн  киниэхэ баан куттал суох буолуутун сулууспатыттан төлөпүөннээбиттэр уонна суһаллык харчытын  атын счетка көһөрөрүгэр сүбэлээбиттэр.  Өскөтүн баан үлэһиттэрэ атын счетка харчыны көһөрүмээри гыннахтарына, сүөһү атыылаһабын диэн этээр диэбиттэр.  Эмсэҕэлээччи түөкүттэр этиилэрин барытын толорбут. Ол кэннэ 2,6 мөл. солк. ытыс соттубут.

Эмиэ маныаха маарынныыр түөкүттэр албыннарыгар 71 саастаах кафедра бэрэпиэссэрэ түбэспит. Киниэхэ   «Мегафон» сымыйа үлэһитэ эрийбит.  Ол түмүгэр  эмсэҕэлээччи 230 тыһ. солк. уордарбыт.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
16 июня
  • 25°C
  • Ощущается: 25°Влажность: 38% Скорость ветра: 5 м/с

Сообщить об опечатке

Текст, который будет отправлен нашим редакторам: