«Бэс Чагдаҕа» байыас чөлүгэр түһэригэр көмөлөстүлэр

Москва таһыгар баар «Бэс Чагда» сонотуоруйга байыаннай дьайыы кыттыылаахтарын доруобуйаларын чөлгө түһэрии үлэтэ салҕанар. Маннык көмөнү ыларга «Защитники Отечества» пуонда Саха сиринээҕи салаатыгар тиийиэххэ наада.

Аркадий П. 61 саастаах, кини байыаннай дьайыыга баҕа өттүнэн барбыта. Луганскай Норуодунай Өрөспүүбүлүкэҕэ штурмовигынан сулууспалаабыта уонна II истиэпэннээх «За воинскую доблесть» мэтээлинэн наҕараадаламмыта.

Кини уҥа илиитин ытыһыгар эчэйиини ылбыта. «Бэс Чагдаҕа» эмтэнэ, сынньана кэлбитигэр, уҥа илиитигэр эпэрээссийэни анаабыттара. Н.Пирогов аатынан Научнай-чинчийэр мэдиссиинэ университетыгар эпэрээссийэлэммитэ. Онтон «Бэс Чагдаҕа» төннөн, чөлгө түһэрии бырагырааматын ааста.

Манна кини физиотерапиянан эмтээһини ааста, ол иһигэр «ударно-волновая терапия», бассейн, галокамера, стабилометрическай платформа курдук ньымаларынан эмтэннэ.

Эмтэнии уонна чөлүгэр түһэрии кэнниттэн Аркадий Дьокуускайга үлэтигэр төннүөн баҕарар. «Бэс Чагда» быраастара кини эчэйбит илиитэ уруккутун курдук үлэлиэҕэ диэн эрэллээхтэр.

Саха сиригэр бэрэсидьиэн Владимир Путин олохтообут «Защитники Отечества» судаарыстыбаннай пуонда салаата үлэлиир. Пуонда байыаннай дьайыы бэтэрээннэригэр уонна кинилэр дьиэ кэргэттэригэр көмөлөһөр.

Ил Дархан, бырабыыталыстыба дьаһлаттаын пресс-сулууспата.