Бэтэрээн-зоотехниктар көрүстүлэр
![](https://sakha-sire.ru/wp-content/uploads/2024/07/ta28-1060x596.webp)
Аҕыйах хонуктааҕыта Бүлүү улууһун I Тоҕус нэһилиэгин Тыымпы сэлиэнньэтин сайылыгар зоотехник-селекционердар өрөспүүбүлүкэтээҕи үһүс куонкурустара ыытылынна.
Бу үрдүк таһымнаах тэрээһин туһунан “Сахаагроплем” тэрилтэ отделын зоотехнига, СӨ үтүөлээх зоотехнига Татьяна Андреевна Протопопова санаатын маннык үллэһиннэ:
— Дьэ, кырдьык даҕаны, Бүлүү улууһун Сырдык Уулаах сайылыгар киһи өйүгэр хатанар, чахчы киэҥ далааһыннаахтык зоотехник – селекционердар өрөспүүбүлүкэтээҕи күрэхтэһиилэрэ буолла. Манна сынньалаҥҥа олорор бэтэрээннэр эмиэ муһуннулар.
Саамай өйдөбүнньүк буолар түгэнинэн өрөспүүбүлүкэ Наркомун Степан Аржаков 125 сылыгар дьүөрэлии Саха АССР үтүөлээх зоотехниктара, өрөспүүбүлүкэҕэ икки бөдөҥ, үгүс үлэни тэрийбит, тыабыт сиригэр сүөһү иитиитигэр селекционнай, племенной үлэҕэ биллэр суолларын хаалларбыт өрөспүүбүлүкэтээҕи Госплемстанция салайааччыта, олоҕун бүүс- бүтүннүүтүн бу үлэ эрэ сайдарыгар анаабыт Мария Георгиевна Маппырова уонна Госплемхолбоһук тэриллиитигэр сүдү кылаатын киллэрбит Ион Павлович Цыпандин — Цыпандиннар династия аҕа баһылыгын сүүс саастарын туолбуттарыгар анаммыт ахтыы киэһэтэ аҕа көлүөнэҕэ, бииргэ алтыспыт исписэлиистэргэ ордук долгутуулаах түгэнинэн буолла.
Манна атын улуустар нэһилиэктэриттэн эмиэ кыттыыны ылан, Степан Аржаков аатынан соҕотох Сударыстыбаннай бириэмийэ лауреата, 44 сыл холмогорскай боруода тупсарыгар туруулаһан үлэлээбит Өлүөхүмэ “Кладовая Олекмы” хаһаайыстыбатын ааттатыан ааттаппыт, өрөспүүбүлүкэ үтүөлээх зоотехнига Светлана Слепцова эдэр биригэдьиирин идэтигэр уһуйаары Мария Янковалыын кэлбиттэрэ. Бэтэрээннэр көрсүһүүлэригэр ол кэмнэргэ үлэлээбит Бүлүү улууһун уонна чуолаан, Тыымпы нэһилиэгин дьоно кытта ахтылланнар, онтон “Туймаада” агрохолдинг кылаабынай исписэлииһэ Тамара Яковлева тус бэйэтин ахтыыта, кэллиэгэлэригэр сэмэй бэлэхтэрэ дьон-сэргэ сүргэлэрин көтөхтө. Аны туран куонкурус кэнниттэн түмүгэр өссө Анал бириистэр туттарылыннылар. Биллэрин курдук, Мария Маппырова М.К.Аммосов аатынан ХИФУ Бэрэсидьиэнэ Евгения Михайлова ийэтин бииргэ төрөөбүт балта буолар. Онон Евгения Исаевна аймахтарын аатыттан анаан ыыппыт Мария Георгиевна Маппырова аатынан “Бэтэрээн зоотехник” анал бирииһи өр сылларга селекционерынан үлэлии сылдьар, өрөспүүбүлүкэ чулуу зоотехник- селекционера, бастыҥ техник-осеменатора, Нөмүгүтээҕи Эко-пиэрмэ кылаабынай исписэлииһэ Евдокия Устиноваҕа Тыа хаһаайыстыбатын аска-үөлгэ министиэристибэтин департаменын салайааччытын солбуйааччы Галина Осипова туттарда. Ион Павлович Цыпандин “Эдэр кэскиллээх зоотехникка” анал бирииһин оҕолорун аатыттан кыыһа, Белинскэй аатынан бибилэтиэкэ краевед-бибилэтиэкэрэ Марина Цыпандина Алексей Варламовка туттарбытын эмиэ ытыс тыаһынан көрүстүлэр.
![](https://sakha-sire.ru/wp-content/uploads/2024/07/ta1.webp)
![](https://sakha-sire.ru/wp-content/uploads/2024/07/ta10.webp)
![](https://sakha-sire.ru/wp-content/uploads/2024/07/ta11.webp)
![](https://sakha-sire.ru/wp-content/uploads/2024/07/ta12.webp)
![](https://sakha-sire.ru/wp-content/uploads/2024/07/ta13.webp)
![](https://sakha-sire.ru/wp-content/uploads/2024/07/ta14.webp)
![](https://sakha-sire.ru/wp-content/uploads/2024/07/ta15.webp)
![](https://sakha-sire.ru/wp-content/uploads/2024/07/ta16.webp)
![](https://sakha-sire.ru/wp-content/uploads/2024/07/ta17.webp)
![](https://sakha-sire.ru/wp-content/uploads/2024/07/ta18.webp)
![](https://sakha-sire.ru/wp-content/uploads/2024/07/ta19.webp)
![](https://sakha-sire.ru/wp-content/uploads/2024/07/ta2.webp)
![](https://sakha-sire.ru/wp-content/uploads/2024/07/ta20.webp)
![](https://sakha-sire.ru/wp-content/uploads/2024/07/ta21.webp)
![](https://sakha-sire.ru/wp-content/uploads/2024/07/ta22.webp)
![](https://sakha-sire.ru/wp-content/uploads/2024/07/ta23.webp)
![](https://sakha-sire.ru/wp-content/uploads/2024/07/ta25.webp)
![](https://sakha-sire.ru/wp-content/uploads/2024/07/ta26.webp)
![](https://sakha-sire.ru/wp-content/uploads/2024/07/ta27.webp)
![](https://sakha-sire.ru/wp-content/uploads/2024/07/ta26-1.webp)
![](https://sakha-sire.ru/wp-content/uploads/2024/07/ta40.webp)
![](https://sakha-sire.ru/wp-content/uploads/2024/07/ta41.webp)
![](https://sakha-sire.ru/wp-content/uploads/2024/07/ta42.webp)
![](https://sakha-sire.ru/wp-content/uploads/2024/07/ta42-1.webp)
![](https://sakha-sire.ru/wp-content/uploads/2024/07/ta44.webp)
![](https://sakha-sire.ru/wp-content/uploads/2024/07/ta45.webp)
![](https://sakha-sire.ru/wp-content/uploads/2024/07/ta48.webp)
![](https://sakha-sire.ru/wp-content/uploads/2024/07/ta49.webp)
![](https://sakha-sire.ru/wp-content/uploads/2024/07/ta50-1.webp)
![](https://sakha-sire.ru/wp-content/uploads/2024/07/ta51.webp)
![](https://sakha-sire.ru/wp-content/uploads/2024/07/ta52.webp)
![](https://sakha-sire.ru/wp-content/uploads/2024/07/ta54.webp)
![](https://sakha-sire.ru/wp-content/uploads/2024/07/ta55.webp)
![](https://sakha-sire.ru/wp-content/uploads/2024/07/ta55-1.webp)
![](https://sakha-sire.ru/wp-content/uploads/2024/07/ta57.webp)
![](https://sakha-sire.ru/wp-content/uploads/2024/07/ta59.webp)
![](https://sakha-sire.ru/wp-content/uploads/2024/07/ta6.webp)
![](https://sakha-sire.ru/wp-content/uploads/2024/07/ta7.webp)
Маны тэнэ “Сахаагроплем” СБТ салайааччыта Алексей Жирков бэтэрээннэргэ Махтал суруктары, кэрэ бэлэхтэри анаабыта эмиэ биир үөрүүлээх түгэнинэн буолла. Тыымпы нэһилиэгин дьаһалтатын баһылыга Акимар Михайлов бэйэтин нэһилиэгин бэтэрээннэрин анал бириистэрин туттарыыта долгутта. Ити курдук, араас көлүөнэ исписэлиистэр олус истиҥник көрсүстүлэр. Түгэнинэн туһанан махтал, алгыс тыллларын өрөспүүбүлүкэ тыатын хаһаайыстыбатын уонна аска-үөлгэ бэлиитикэтин миниистиригэр Артем Александровка, Бүлүү улууһун баһылыгар Семен Винокуровка, “Сахаагроплем” тэрилтэ салайааччытыгар Алексей Жирковка уонна бары тэрээһиннэри тэрийбит миниистири солбуйааччы Николай Афанасьевка, кылаабынай судьуйалаабыт исписэлиистэргэ анаатылар.
Хаартыскалар: Алексей Николаев (Бүлүү) түһэриитэ.
Сообщить об опечатке
Текст, который будет отправлен нашим редакторам: