Борокуратуура бассаабынан тарҕаммыт видеоҕа олоҕуран бэрэбиэркэ тэрийдэ

Кэбээйи оройуонун Борокуратуурата Мастаахха оҕо уһуйаанын эркинин сыбаҕа сууллар кутталламмытын туһунан бэҕэһээ бассаабынан тарҕаммыт видеоҕа олоҕуран бэрэбиэркэ тэрийдэ.

Бу туһунан СӨ Борокуратууратын пресс-сулууспата иһитиннэрэр.

Санаттахха, саайтка «Олунньу 20 күнүттэн хаһан быһаарыллыар диэри уһуйаан үлэтэ тохтоото» диэн сонуну бүгүн сыарсыарда таһаарбыппыт.

Улуус дьаһалтатын иһитиннэриитинэн, бүгүн Мастаах сэлиэнньэтигэр улуус хамыыһыйата уонна борокуруор  бэрэбиэркэ ыыттылар.

Уһуйаан дьиэтэ 2017 сыллаахха «Сахам сирэ XXI үйэҕэ» өрөспүүбүлүкэтээҕи үтүө дьыала хамсааһын иитинэн тутуллубута биллэр. Кэбээйи борокуратууратын үлэһиттэрэ градостроительнай сокуон ирдэбиллэрин  тутуһуутун сыаналыахтара. Эбийиэги тутуһуу аахталарынан уонна куттала суох буолууну хааччыйыыга биирдиилээн дуоһунастаахтарга бэрэбиэркэ тэрийиэхтэрэ.

Бэрэбиэркэ түмүгүнэн борокуруор туһааннаах дьаһаллара ылыллыахтара.