Борокуратуура орооһуутунан алта нэһилиэккэ эми атыылыыр буоллулар

СӨ Борокуратууратын сорудаҕынан Ньурба улууһун борокуратуурата доруобуйа харыстабылын сокуонун тутуһуллуутун бэрэбиэркэлээтэ. Бу туһунан СӨ Борокуратуурата иһитиннэрэр.

Борокуратуура быһаарбытынан Ньурба улууһун алта нэһилиэгэр, ол иһигэр ыраах сытар нэһилиэктэргэ, эми атыылыыр аптека суоҕа биллибит. Онуоха биэлсэр-акушер пууннарыгар эмп препараттарын биирдиилээн атыылааһын тэриллибэтэх.

Борокуратуура оройуоннааҕы балыыһа кылаабынай бырааһыгар модьуйуу киллэрбит уонна доруобуйа харыстабылын тэрилтэтигэр эмп-томп атыытын тэрийэр эбэһээтэлистибэни олохтуур туһунан суукка үҥсүү түһэрбит. Суут борокуратуура ирдэбилин кытта сөпсөһөр дьаһалы таһаарбыт. Борокуратуура орооһуутун кэнниттэн нэһилиэктэр биэлсэр-акушер пууннарыгар эми биирдиилээн атыылааһын тэрилиннэ.