Буруйу оҥоруу 15 түбэлтэтэ бэлиэтэннэ

Ааспыт сууккаҕа өрөспүүбүлүкэҕэ буруйу оҥоруу 15 түбэлтэтэ бэлиэтэннэ. Бу туһунан СӨ Борокуратуурата иһитиннэрдэ.

Дьокуускай куоракка Халтурин уулуссаҕа күүстэринэн чаһыны уонна таастаах биһилэҕи былдьаабыттара бэлиэтэннэ.  Маны таһынан уоруу туһунан үс сайабылыанньа киирбит, ол иһигэр баан каартатыттан.

Түөкүннээһиҥҥэ алта холуобунай дьыала тэриллибит.  Ол курдук түөкүттэртэн Дьокуускай уонна  Нерюнгри олохтоохторо, ол иһигэр мэдиссиинискэй үлэһит, асчыт, баан буҕаалтыра, биэнсийэлээх эмсэҕэлээтилэр. Хоромньу уопсай суумата —  2,7 мөл. солк.

Дьокуускайга массыынаны күрэтэн барыы, итирик туруктаах массыынаны ыытыы түбэлтэлэрэ бэлиэтэннэ.