Бүгүн сорох улуустарга этиҥнээх ардах, күүстээх тыал түһүөҕэ

Бүгүн, бэс ыйын 24 күнүгэр, киин, илин эҥээр, соҕуруу, арҕаа улуустарга кыралаан ардыаҕа, сорох сиринэн этиҥнээх ардах түһүөҕэ.

Хаҥаласка, Аммаҕа, Уус Маайаҕа, Алдаҥҥа, Нерюнгрига, Өлүөхүмэҕэ, Ленскэйгэ, Мииринэйгэ, Сунтаарга, Ньурбаҕа этиҥнээх ардах,  сөкүүндэҕэ 15-20 м. түргэннээх тыал түһэрэ  күүтүллэр.

Мииринэйгэ, Аммаҕа, Уус Маайаҕа 11 мм элбэх ардах түһэрэ сабаҕаланар. 

Салгын температурата түүн  +10+15°С, хотугулуу-арҕаа, хотугулуу-илин  +5+10°С, сорох сиринэн  0,+5°С, күнүс  +20+25°С, соҕуруулуу-арҕаа  +27+32°С, хотугулуу-арҕаа +14+19°С, хоту  +9+14°С кыраадыс буолуоҕа.