Бүгүн үгүс улуустарга хаар түһэрэ күүтүллэр

Бүгүн, ахсынньы 15 күнүгэр, Саха сирин үгүс улуустарыгар хаар түһэрэ күүтүллэр диэн УГМС иһитиннэрэр.

Хоту, соҕуруу сөкүүндэҕэ 9-14 миэтэрэ түргэннээх тыаллаах, Булуҥҥа уонна Анаабырга сөкүүндэҕэ 18-23 миэтэрэ түргэннээх тыаллаах, оттон Нерюнгрига сөкүүндэ 15-17 миэтэрэ түргэннээх тыаллаах.

Түүн салгын температурата -33-38°С, халлаан халыннаҕына –39-44°С, хотугулуу-арҕаа, хотугулуу-илин -40-45°С, соҕуруу хаар түстэҕинэ, хоту  -22-27°С, күнүс -27-32°С, соҕуруу -20-25°С, хотугулуу-арҕаа, хотугулуу-илин -37-42°С, Арктика кытылыгар -15-20°С.