Бүгүн үгүс улуустарынан хаар түһэрэ күүтүллэр

Саха сирин үгүс өттүгэр хаар түһэрэ күүтүллэр.

Халыма-Индигиир улуустарынан хаар түһэр, сорох сиринэн күүстээх хаар түһэрэ сабаҕаланар. Кыра тыаллаах. Абый, Муома, Халыма улуустарынан күнүс сөкүүндэҕэ 15-18 м. диэри түргэннээх күүстээх тыаллаах, Арктика кытылынан 15-20 м. буурҕа түһэрэ күүтүллэр.

Салгын температурата түүн -15-20°, былыта суох буоллаҕына уонна хотугулуу-илин -21-26°С, соҕуруулуу-арҕаа -5-10°С, арҕаа -12-17°С, Халымаҕа -7-12°С, күнүс -5-10°С, хоту -10-15°С, соҕуруулуу-арҕаа уонна Халымаҕа-3-8°С кыраадыс тымныы.

Дьокуускайга түүн -16-18°С, күнүс -8-10°С, түүн уонна сарсыарда кыралаан хаардыыр, хотугулуу-арҕааттан 2-7 м. түргэннээх тыаллаах.