Быйаҥныырдар авиа-былаһаакка пааспарын оҥотторбуттар

Аллайыаха улууһун Быйаҥныыр нэһилиэгэр олохтоох дьаһалта ааспыт сыллааҕы үлэтин түмүктүүр отчуокка бэлэмнэнэр. Анастасия Большакова баһылыктаах нэһилиэк олохтоохторо  сылы этэҥҥэ түмүктээбиттэр.

Былырыын нэһилиэккэ үгүс үлэ ыытыллыбыт. Ол курдук, дэриэбинэ иһин тупсаҕай оҥорууга туруммуттара түмүктээх буолбут. Чуолаан, оҕо оонньуур былаһааккаларын саҥардан, өрөмүөннээбиттэр. Бөҕү тоҕор анал туочукалары оҥорбуттар. Кытыы сир олохтоохторугар саамай наадалаах авиа-былаһаакка докумуонун, пааспарын силигин ситэрбиттэр.

Маны сэргэ дьаһалтаҕа алта сайабылыанньа хапытаалынай өрөмүөнү ыытыыга киирбитин быһаарбыттар. Онно олоҕуран олохтоохтор олорор дьиэлэрин муосталарын оҥотторбуттар.

Ити курдук, быйаҥныырдар атын нэһилиэктэртэн хаалсыбаттар.