РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы тэрээһиннэр Инновационнай технологиялар кэллиэстэригэр уонна Н.И. Шарин аатынан 39-с №-дээх оскуолаҕа буолан аастылар.
Кэллиэскэ көрсүһүү ирэ-хоро, истиҥ эйгэҕэ ааста. Ытык ыалдьыты Саха сирин Бэтэрээннэрин сэбиэтин бэрэссэдээтэлэ, полковник Аркадий Саввинов арыаллаата. Дьоруой бэйэтин байыаннай суолун кэпсээтэ, ыччаттар хорсун быһыы, патриотизм уонна дойду иннигэр эппиэтинэс туһунан ыйытыыларыгар хоруйдаата.
«Ыччаты кытта көрсүһүү — миэхэ саҥа сонун буолбатах. Быйыл саас байыаннай сорудахтан кэлэн баран маннык тэрээһиннэри саҕалаабытым. Билигин тас өттүттэн сымыйа иһитиннэрии, сабыдыал элбээн турар кэмигэр, оҕолорбут барытын сөпкө өйдүүллэрэ, албыҥҥа киирэн биэрбэттэрэ олус суолталаах», — диэн Александр Находкин бэлиэтээтэ. Кини тыыннаах киһи бэйэтин холобура ыччат өйүгэр-санаатыгар хатанан хааларын тоһоҕолоон эттэ.
Оттон 39-с №-дээх оскуола үөрэнээччилэрэ Дьоруой байыаннай суолун эрэ буолбакка, кини оскуолатааҕы сылларын эмиэ олус сэҥээрдилэр. Оскуола медиа-устуудьуйата Дьоруойтан подкаст суруйарга анаан интервью ылла. Оҕолор дьиэ кэргэн, эдэр саас, ону таһынан судаарыстыбаннай наҕараада суолтатын туһунан ыйыттылар. Дьоруой кэпсээнэ оҕолорго дириҥник тиийдэ.
Санаттахха, Александр Находкиҥҥа 2026 сыл алтынньы 14 күнүгэр АБДь-га көрдөрбүт хорсун быһыытын иһин Арассыыйа Дьоруойун үрдүк аата иҥэриллибитэ. Кини — Саха сириттэн бу үрдүк аакка тиксибит 14-с байыас.
Уонна саамай сүрүнэ — Александр Егорович Сэбиэскэй Сойуус Дьоруойа Николай Николаевич Чусовской сиэнэ буолар. Дьоруой хаана — Дьоруойга.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Сиһилии: https://www.sakha.gov.ru/news/68205
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…
Ахсынньы 9 күнүгэр диэри Арассыыйа 45 эрэгийиэнигэр Бүтүн Арассыыйатааҕы патриотическай пуорум эрэгийиэннээҕи бырагыраамата ыытылла турар.…
«Мин доруобуйам туругунан (уопсай ыарыынан) быраас түмүгүнэн хамнаһа кыра атын үлэҕэ көһөрөллөрүгэр сөбүлэстим. Үлэ биэрээччи:…