Култуура миниистирэ Афанасий Ноев соцситимнэриттэн
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара, оттон кулун тутар 11–12 күннэригэр научнай-методическай кэмпириэнсийэ былааннанар. Саха сирин култууратын уонна духуобунай сайдыытын миниистирэ Афанасий Ноев бырааһынньыкка бэлэмнэнии хайдах барарын туһунан сырдатта.
Бэҕэһээ, алтынньы 27 күнүгэр, Саха сирин Бырабыыталыстыбатын Бэрэссэдээтэлин солбуйааччы Сергей Местников салайааччылаах тэрийэр кэмитиэт мунньаҕа буолан ааста. Билиҥҥитэ үлэ бары хайысхаларынан бара турар: үлэлиир хамыыһыйалар тэрилиннилэр, тутуллуохтаах эбийиэктэр бырайыактара оҥоһуллаллар, култуура уонна успуорт бырагыраамалара бэлэмнэнэллэр, волонтердар куорпустара тэриллэр.
Ыһыах аһыллыытын уонна сабылыытын сиэрин-туомун сүрүн режиссера билиннэ — бу улахан эппиэтинэстээх үлэ П.А. Ойуунускай аатынан Саха академическай тыйаатырын сүрүн режиссера Руслан Тараховскайга сүктэрилиннэ. Оттон бэлэмнэнии үлэтигэр өрөспүүбүлүкэбит саамай улахан култууратын тэрилтэлэрэ: Олоҥхо тыйаатыра, Эпос уонна ускуустуба Арктикатааҕы киинэ, Өрөспүүбүлүкэтээҕи норуот айымньытын дьиэтэ, ХИФУ Олоҥхоҕо научнай-чинчийэр института, Олоҥхо Ассоциацията уонна кини филиаллара кыттыахтара.
Миниистир бэлиэтииринэн, Ленскэй оройуонун олохтоохторун кытта үлэҕэ ураты болҕомто ууруллар.
«Биһиги айар бөлөхтөрбүт онно гостуруоллаан кэллилэр, бу үлэ эһиил эмиэ салҕаныаҕа. Олоҥхо ыһыаҕын сүрүн кыттыылаахтара — оройуон олохтоохторо буолаллар. Үгэс курдук, аһыллыы уонна сабылыы сиэригэр-туомугар 1500-тэн тахса киһи кыттыаҕа, ол иһигэр Дьокуускайтан 250-ча артыыс барыаҕа», — диэн кэпсээтэ Култуура миниистирэ Афанасий Ноев.
Миниистир быйыл күһүн бырааһынньык буолуохтаах сиригэр тиийэн, олохтоохтору кытта көрсүбүт. Кини дьон Олоҥхо ыһыаҕын олус сэҥээрэн күүтэллэрин, бэлэмнэниигэ көхтөөхтүк кытталларын үөрэ бэлиэтээтэ.
«Биһиги уопсай сорукбут — үбүлүөйдээх Олоҥхо ыһыаҕын үрдүк таһымҥа ыытыы, үгэстэрбитин харыстааһын уонна бырааһынньык Ленскэй дьонугар, ыалдьыттарыгар үйэлэргэ умнуллубат чаҕылхай түгэн буоларын ситиһии», — диэн түмүктээтэ кини.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…
Ахсынньы 9 күнүгэр диэри Арассыыйа 45 эрэгийиэнигэр Бүтүн Арассыыйатааҕы патриотическай пуорум эрэгийиэннээҕи бырагыраамата ыытылла турар.…