Быйыл аһыҥа элбиир чинчилээх

Биллэрин курдук, аһыҥа тыа хаһаайыстыбатыгар улахан хоромньуну таһаарар. Онон оттооһуҥҥа бэлэмнэниигэ бу биир тутаах боппуруоһунан буолар.

— Быйыл 2024 сылга аһыҥа үөскүүрүгэр сөптөөх күн-дьыл туран биэрдэҕинэ, былырыыҥҥытааҕар аһыҥа элбиир кутталлаах диэн сабаҕалыыбыт.

Аһыҥа бэс ыйын саҥатыгар төрүүр, онтон маассабайдык бэс ыйын бастакы дэкээдэ бүтүүтэ уонна иккис дэкээдэ саҕаланыыта төрүүр-үөскүүр. Онон улахан буортуну оҥорбут сиригэр төһө иэннээх сиргэ химическэй эмтээһини ыытыыны аһыҥа ыспыт сиригэр сайыҥҥы чинчийии түмүгүнэн быһаарыллар.

Саха сиригэр “сибирская” уонна “белополосая” диэн төрүүр көрүҥнэр (кобылки) ордук буортуну оҥороллор.

Сыллата аһыҥаны утары тэрээһиннэри күүскэ ыыттахха бу буортулааччы тэнийиитин аччатыаҕа уонна ходуһалары, бааһыналары харыстыаҕа, — диэтэ “Россельхозцентр” тэрилтэ үүнээйини харыстааһыҥҥа отделын начаалынньыга Евгений Софронов.

Хаартыска «Россельхозцентр»