Быйыл Чурапчыга култуура уонна успуорт комплекса үлэҕэ киириэҕэ

Ил Дархан Айсен Николаев Чурапчы сэлиэнньэтигэр А.К. Софронов аатынан саҥа култуура уонна успуорт комплекса тутуутун хаамыытын билистэ. 

А.К. Софронов аатынан култуура уонна успуорт комплекса «Саха сиригэр физическэй культура уонна спорт сайдыыта» судаарыстыбыннай бырагыраама чэрчитинэн тутуллар. Икки этээстээх саҥа дьиэ 1,6 тыһ. кв.м иэннээх.

Тутуу үлэтэ 2022 сылга саҕаламмыта. Эбийиэккэ 14 киһи уонна 5 тиэхиньикэ үлэлиир. Билигин комплекс  18% бэлэм. Былаан быһыытынан быйыл ахсынньыга тутуу үлэтэ түмүктэниэхтээх.

Бэрэбиэркэ түмүгүнэн Ил Дархан эбийиэги кэмигэр бүтэрэргэ сорудахтаата.