Быйыл ханнык сыллаах төрүөхтэр биэнсийэҕэ тахсалларый?

Биэнсийэҕэ тахсарга үс булгуччулаах усулуобуйаны толоруллуохтаах. Олор ханныктарый? 

Бастакытынан, биэнсийэҕэ тахсар сааска тиийиллибит буолуллуохтаах. Иккиһинэн, үлэ ыстааһа уонна, үсүһүнэн, биэнсийэ баала ситиһиллибит буолуохтаахтар. Бу туһунан «Прайм» ааҕыныстыбаҕа Г.Плеханов аатынан РЭУ  судаарыстыбаннай уонна муниципальнай үптэр кафедраларын бэрэпиэссэрэ Юлия Финогенова кэпсээбит.  2024 сылга 1961 сыллаах төрүөх эр дьон (быйыл 63 саастарын туолуохтара) уонна  1966 сыллаах дьахталлар (быйыл 58 саастарын туолуохтара) биэнсийэҕэ тахсыахтара. Кинилэр 15 сыл үлэ ыстаастаах уонна 28,2 биэнсийэ бааллаах буолуохтаахтар.

«Биэнсийэҕэ эрдэ үлэ ыстааһын болдьох иннинэ мунньуммуттар (эр дьоҥҥо 42 сыл, дьахталларга 37 сыл), биэнсийэҕэ тахсар саастарыгар чугаһаабыт үлэтэ суох дьон, элбэх оҕолоох ийэлэр, ону тэҥэ, «хотугу» ыстаастаах уонна доруобуйаҕа буортулаах үлэлээхтэр тахсыахтара», — диэн Юлия Финогенова быһаарыыта РИА сонуннарыгар тахсыбыт.