Салгыы
Быраастар байыаннай хамыыһыйаларын тэрийиини туруорсар үлэ ыытыллар

Быраастар байыаннай хамыыһыйаларын тэрийиини туруорсар үлэ ыытыллар

Ааптар:
10.06.2023, 10:30
СИА хаартыската
Бөлөххө киир:

Доруобуйа харыстабылын судаарыстыбаннай уонна муниципальнай тэрилтэлэригэр быраастар байыаннай хамыыһыйаларын тэрийиини туруорсар үлэ ыытыллар. 

Бүгүҥҥү туругунан байыаннай эпэрээссийэ ыытыллар сириттэн бааһырыы кэнниттэн дойдутугар уоппускатыгар кэлэр байыаннай сулууспалаах быраастар байыаннай хамыыһыйаларын бэйэтин байыаннай чааһыгар эрэ баран ааһар бэрээдэгэ баар. Оттон байыас олорор сириттэн ол байыаннай чаас аһара ыраах да буолуон сөп. Манан сибээстээн СӨ киһи быраабыгар Боломуочунайа Сардана Гурьева киһи быраабыгар боломуочунайдар Бүтүн Арассыыйатааҕы сүрүннүүр Сүбэлэригэр бу биир сытыы боппуруоска быраастар байыаннай хамыыһыйаларын үлэтин арыый атыннык уларытан тэрийэр туһунан санаатын, тус этиитин тиэртэ.

— Байыаннай эпэрээссийэ ыытылла турар уустук быһыытыгар-майгытыгар ытык соруктарын толорор быраастар байыаннай хамыыһыйаларын бары үлэһиттэригэр улахан махталбын тиэрдэбин. Биһиги бука бары Российскай Федерация чөл буолуутун көмүскүүр, элбэх омуктаах Ийэ дойдубутун харыстыыр биир соруктаахпыт. Онуоха суһал быһаарыылары ылынар кэккэ сытыы түгэннэр бааллар. Ол курдук, быраабы харыстыыр уорган аатыгар бааһырыы кэнниттэн уоппускаҕа кэлэр буойуттар кэргэттэриттэн, ийэлэриттэн бу уолаттар салгыы сулууспалыыр эбэтэр сулууспалаабат боппуруостарыгар быраастар байыаннай хамыыһыйаларын ааһыыларыгар элбэх ыйытыылар киирэллэр. Оттон ону быһаартарар туһугар буойуттар уонунан тыһыынча килэмиэтир ыраах баар бэйэлэрин байыаннай чаастарыгар хайаан да тиийиэхтээхтэр. Маны таһынан байыас араапарыгар байыаннай чаастар хамандыырдара кэмигэр сөпкө хоруйдаан испэттэрэ баар суол уонна бу маннык сыһыан быһыыны-майгыны олус уустугурдар.
Киһи быраабыгар боломуочунайдар Бүтүн Арассыыйатааҕы сүрүннүүр Сүбэлэригэр кыттыбыт РФ Оборуонаҕа министиэристибэтин медицинскэй сулууспаҕа генерал-майора Александр Серговенцев билиҥҥи кэмҥэ РФ Оборуонаҕа министиэристибэтин эмтиир тэрилтэлэрэ байыаннай сулууспалаахтарга мэдиссиинэ көмөтүн оҥорууларыгар улахан ноҕоруускалаахтык үлэлии олороллорун ыйда. Ону биһиги өйдүүбүт. Ноҕорууска улаата турарынан сибээстээн, мэдиссиинэ сөптөөх көмөтүн ылыыга дьон быраабын кэһии тахсыан сөп. Ол эрэн, биир өттүнэн байыаннай сулууспалаахтары, онтон да атын дьону эмтиир, доруобуйаларын туругун чинчийэр доруобуйа харыстабылын судаарыстыбаннай уонна муниципальнай тэрилтэлэригэр быраастар байыаннай хамыыһыйаларын тэрийии федеральнай сокуонунан көҥүллэниэн сөп диэн баар.

Бүгүҥҥү күҥҥэ Саха сирин киһи быраабын көмүскүүр уоргана бу хайысхаҕа баар бары балаһыанньалары, нуормалары ырытыыга, үөрэтиигэ олоҕуран, Арассыыйа киһи быраабыгар Боломуочунайыгар Татьяна Николаевна Москальковаҕа үөһэ этиллибит итинник ис хоһоонноох туруорсууну көрөрүгэр ыыттыбыт.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июня
  • 14°C
  • Ощущается: 13°Влажность: 72% Скорость ветра: 0 м/с

Сообщить об опечатке

Текст, который будет отправлен нашим редакторам: