Быраастар “Үтүө санаа харыйатыгар” кытыннылар

Өрөспүүбүлүкэтээҕи 2 №-дээх балыыһа-Мэдиссиинэ суһал киинин салалтата балыыһа кэлэктиибин аатыттан кырачаан эмтэнээччилэри эҕэрдэлээтэ уонна Саҥа дьыллааҕы бэлэхтэри туттарда, түргэнник үтүөрэллэригэр баҕарда.

Өрөспүүбүлүкэтээҕи 2 №-дээх балыыһа кылаабынай бырааһа Иван Иванов уонна кылаабынай бырааһы бастакы солбуйааччы Леонид Слепцов “Үтүө санаа харыйата” аһымал аахсыйаҕа кыттыһан, Ожоговай отделениеҕа оҕолор сытар  отделениеларыгар уонна оҕолор өр эмтэнэр сыстыганнаах ыарыылар килиниичэскэй балыыһаларыгар сырыттылар.

Быраастар араас ыарыыны утары охсуһар кырачаан эмтэнээччилэри өйүүр наадатын илэ харахтарынан көрөн-истэн  билэллэр. Оҕолорго үөрэхтэригэр ситиһиини уонна түргэнник үтүөрэн дьоллоох оҕо сааһы баҕардылар.