Электросамокаттаах эр киһини массыына түҥнэри көттө

Ааспыт сууккаҕа өрөспүүбүлүкэҕэ икки буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр.

Дьокуускайга итирэн баран иккистээн уруулга олорбут киһини туттулар. Итиэннэ 1994 с.т. эр киһиттэн 124 тыһ. солк. түөкүннэр суйдаабыттарынан холуобунай дьыала тэрилиннэ.

Дьокуускайга Хабаров уулуссатыгар турар дьиэ төрдүс мэндиэмэниттэн 2022 с.т. оҕо суулунна. Оҕону госпитализациялаатылар. Бэрэбиэркэ ыытыллар.

Суукка иһигэр үс техногеннай баһаар буолла, өлбүттэр уонна эчэйбиттэр суохтар.

Киһи өлүүлээх суол быһылаана бэлиэтэммэтэ. Дьокуускайга Лермонтов уонна Короленко уулуссалар быһа охсуһууларыгар «Тойота Аристо» массыынаны ыытан испит киһи электросамокатынан пешеходканан туораан испит 1990 с.т. эр киһини түҥнэри көттө. Ол түмүгэр самокакка олорсон испит 2017 с.т. оҕо эчэйэн госпитализацияланна.

Суукка иһигэр тоҕус итирик туруктаах суоппар тутулунна.