ВИДЕО: Витим аннынан муус уһунна

Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар.

Бүгүн муус алын кирбиитэ Ленскэй оройуонун Витим бөһүөлэгин аннынан устара бэлиэтэнэр. Муус хойуутук устар.

Константин Одикадзе видеоҕа устуута:

Чуолкайдыыр буоллахха, муус Витим бөһүөлэгин аннынан бу сарсыарда эрдэ уһунна диэн «Ленарегионводхоз» филиалын дириэктэрин солбуйааччыта Николай Портнягин иһитиннэрдэ.

Бэлиэтээн эттэххэ, былырыын Витим аннынан муус ыам ыйын 11 күнүгэр эстибитэ, онон быйыл нэдиэлэ курдук эрдэлээтэ. Оттон элбэх сыллаах кэтээн көрдөххө, ыам ыйын 8 күнүгэр устара.