Бырабыыталыстыба бөлөҕө Нам улууһугар үлэлиир

Бырабыыталыстыба бөлөҕө Нам улууһугар үлэлиир

20.05.2024, 19:00
Хаартыска: Андрей Сорокин, СИА.
Бөлөххө киир:

Ил Дархан Айсен Николаев сорудаҕынан Бырабыыталыстыба бэрэссэдээтэлин бастакы солбуйааччы Дмитрий Садовников салайааччылаах уу содулун туоратар бырабыыталыстыба бөлөҕө тэриллибитэ. Ыам ыйын 20 күнүгэр миниистирдэр Хатырык нэһилиэгин —  ууттан ордук эмсэҕэлээбит нэһилиэнньэлээх пуун олохтоохторун кытта көрүстүлэр.

Хаартыска: Андрей Сорокин, СИА.

Бастакы вице-премьер салайааччылаах бөлөх хас биирдии олохтоох санаатын иһиттэ, ыйытыыга хоруйдаата.

“Хатырык сэлиэнньэтигэр нэһилиэнньэни кытта аһаҕас кэпсэтиигэ кыһалҕаларын иһиттибит уонна кэккэ соруктары быһаарарга ылынныбыт. Дьон туруорбут ыйытыылара барыта оруннаах, нэһилиэнньэҕэ көмөлөһөр туһугар миэрэлэри ылар ирдэнэр. Бу туһунан уопсастыбаннас бэрэстэбиитэллэрэ этинэллэр, көмөлөһөргө бэлэмнэрин биллэрэллэр, биһиги бу үлэни түргэтэтиэхпит уонна олохтоохторго суһаллык көмөнү оҥоруохпут” – диэн Дмитрий Садовников бэлиэтиир.

Ыйытыы улахан аҥаара үпкэ-харчыга сыһыаннаах. Экология, айылҕаны туһаныы уонна ойуур хаһаайыстыбатын миниистирэ Евгений Перфильев бэлиэтээбитинэн, күн бүгүн тахсыбыт хоромньуну суоттууллар. Миэстэтигэр Экология министиэристибэтин уонна халаан содулун туоратар дириэксийэ исписэлиистэрэ үлэлииллэр.

Барыллаан чахчынан, уу алдьатыылаах күүһэ 2 тыһ. тахса киһини таарыйбыт, кинилэр биир кэмнээх харчынан көмөнү ылыахтара уонна бастакы кэмҥэ ирдэниллэр баайдарын-дуолларын сүтэриилэрэ толуйуллуоҕа.  Олорор дьиэлэр, ону тэҥэ, ОДьКХ, социальнай эбийиэктэр, суол ууга былдьаммыттар. Билиҥҥи кэмҥэ Нам улууһугар тахсыбыт хоромньу 43 мөл. солк. тэҥнэһэр.

Олохтоохтор төлөбүргэ сайабылыанньаларын Судаарыстыбаннай өҥө порталын уонна Элбэх өҥөнү оҥорор Киин нөҥүө биэриэхтэрин сөп.

Тыа хаһаайыстыбатыгар эмиэ элбэх ыйытыы киирдэ. Тыа хаһаайыстыбатын уонна аска-үөлгэ бэлиитикэтин миниистирэ Артем Александров этэринэн, барыллаан ааҕыынан, 180 төбө ынах сүөһү уонна 140 сылгы охтубут. Сыыппара уларыйа турар.

“Күн бүгүн ааҕыы, аактаны толоруу, сүөһүнү, сылгыны бас билээччини булуу ыытыллар. Миэрэлэр  уонна сүтүгү толуйуу мэхэньииһимэ  быһаарыллыахтара. Сүөһүнү, сылгыны уонна эбийиэктэр хорумньуларын өрөспүүбүлүкэ толуйуоҕа, сүөһү аһылыгын – Нам  улууһун аграрийдарын көмөлөрүнэн улуустан, чугастааҕы сытар улуустар”, – диэн биэдэмэстибэ баһылыга чопчулаата. Сиһилии манна ааҕыҥ.

Ил Дархан уонна Бырабыыталыстыба пресс-сулууспата.

+1
4
+1
0
+1
0
+1
0
+1
1
+1
2
+1
0
Бары сонуннар
Салгыы
16 июня
  • 24°C
  • Ощущается: 24°Влажность: 41% Скорость ветра: 4 м/с

Сообщить об опечатке

Текст, который будет отправлен нашим редакторам: