Бырабыыталыстыба медүлэһиттэр хамнастарын үрдэтиигэ эрэгийиэннэргэ эбии 58 млрд тахса солкуобайы ыытыаҕа. Бу туһунан Арассыыйа Бырабыыталыстыбатын дьиҥ таһымнаах канаала иһитиннэрэр.
“Бырабыыталыстыба тумус тутуллар соруктарыттан биирдэстэринэн – дьон олоҕун уонна доруобуйатын быыһыыр дьон үлэлэрин төлөбүрүн хааччыйыы”, — диэтэ Михаил Мишустин.
Бэрэсидьиэн ыам ыйынааҕы ыйаахтарыгар олоҕуран, биэлсэрдэр уонна медсиэстэрэлэр хамнастара эрэгийиэн үрдүнэн орто таһымтан намыһах буолуо суохтаах, оттон быраастар бу көрдөрүүттэн икки төгүл үрдүктэн намыһаҕы ылыа суохтаахтар.
Экэниэмикэни сайыннарыыга министиэристибэ сабаҕалыырынан, сыл устата Арассыыйаҕа ыйдааҕы орто хамнас 11,5 % үрдүөҕэ. Бу тэтиминэн мэдиссиинэ үлэһиттэрин хамнаһын улаатыытын хааччыйарга уонна Бэрэсидьиэн чопчулаабыт таһымыгар сөп түбэһиннэрэргэ, Бырабыыталыстыба эрэгийиэннэргэ эбии 59 млрд солк. кэриҥин эбии көрдө.
“Биһиги быраастарбытыгар уонна балыыһалар, поликлиникалар атын персоналларыгар кэмигэр уонна толору кээмэйинэн көрүллүбүт үбү биэриэхтэрин наада. Арассыыйа хас биирдии субъегар маны кичэйэн болҕойуохха”, — диэн Бырабыыталыстыба баһылыга бэлиэтээтэ.
РФ Бырабыыталыстыбатын саайтыттан
Хаартыска: тустаах саайтан
Арассыыйаҕа биллэриллибит Дьиэ кэргэн уонна Саха сиригэр Оҕо саас сылларынан Аллайыаха улууһугар элбэх үлэ ыытылла…
Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…
Өрөспүүбүлүкэ күнүн бары улуустарга өрө көтөҕүллэн туран, бу күннэргэ араас дириҥ ис хоһоонноох тэрээһиннэри ыыттылар.…
Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…