Ол курдук бүгүн, алтынньы 5 күнүттэн, быстах байыаннай хомуурга барбыт саллааттар дьиэ кэргэттэригэр социальнай көмөҕө сайаапканы тутуу саҕаланна. Сайаапканы E-YAKUTIA.RU портал, госуслуги сайт эбэтэр «Мои документы” киин нөҥүө биэриэххэ сөп. Сайаапканы көрүү болдьоҕо уон үлэ күнүн устата барар.
Ол курдук биир сайабылыанньаны биэрэн баран сэттэ көмөнү ылыахха сөп.
— Биир кэмнээх 200 тыһыынча солкуобай көмө;
— Оҕо уһуйааныгар төлөбүртэн босхолонуу (сокуоннай бэрэстэбиитэл сулууспалыыр кэмин устатыгар);
— Оскуола остолобуойугар босхо аһылык (5-11 кылаас оҕолоро);
— Доруобуйаны бөҕөргөтөр лааҕырдарга босхо путевка (6-18 cаастаах оҕолорго);
— Үрдүк уонна орто үөрэх кыһаларыгар (Целевое обучение) тус сыаллаах үөрэххэ дуогабар түһэрсии;
— Устудьуон төрөппүтэ эбэтэр сокуоннай бэрэстэбиитэлэ сулууспалыырын тухары үрдүк истипиэндьийэ;
— Сулууспаҕа сылдьар киһи төрөппүттэригэр санаторийга, курортка босхо эмтэнии.
Байыаннай сулууспаҕа сылдьар киһи дьиэ кэргэнигэр ким хапсарый?
Сокуонунан холбоһон ыал буолан олорор кэргэнэ, ону сэргэ төрөппүт оҕолоро уонна сокуоннай саастарын сиппит оҕолор эмиэ киирсэллэр. Маны таһынан кэргэнэ суох киһи сулууспаҕа барбыт буоллаҕына, бу көмөнү кини төрөппүттэрэ, бииргэ төрөөбүттэрэ эбэтэр тастыҥ эдьиийдэрэ, балыстара, бырааттара, убайдара туһаныахтарын сөп.
Ханнык докумуоннар наадаларый?
— Паспорт
— Дьиэ кэргэн бары чилиэннэрин СНИЛСтарын реквизиттэрэ
— Аймахтыы буолары туоһулуур докумуон:
— Кэргэннии буолууну туоһулуур докумуон
— Оҕо төрөөбүтүн туһунан туоһулуур докумуон
— Араспаанньа уларыйбытын туоһулуур докумуон
— Сирэй счет реквизиттэрэ
Өскөтүн, бэрэстэбиитэл бэйэтэ бу көмөҕө наадыйар буоллаҕына, паспорт уонна судургу суругунан дэбиэрэннэс наада.
Байыаннай сулууспаҕа сылдьар дьоҥҥо кимнээх киирсэллэрий?
— Суһал байыаннай хомуурга ыҥырыллыбыт киһи.
— Бу сыл олунньу 24 күнүттэн Донбасс сиригэр-уотугар байыаннай эпэрээссийэҕэ сылдьыбыт киһи.
— Бу сыл олунньу 24 күнүттэн баҕа өттүнэн хантараагынан байыаннай сулууспаҕа барбыт киһи.
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…