2020 сыл муус устарыгар үлэтин саҕалаабыт “Чэпчэтиилээх ипотека” бырагыраама чэрчитинэн, Арассыыйаҕа 1 мөлүйүөнтэн тахса ыал дьиэлэммит. Уопсайа 3,5 трлн. солк. суумалаах кирэдьиит бу бырагырааманан дьоҥҥо бэриллибит.
Бырагыраама оператора ДОМ.РФ чахчыларынан, “Чэпчэтиилээх ипотека” иһинэн ордук Москваҕа дьиэ атыылаһыллыбыт (120,1 тыһ. кирэдьиит). Онтон Санкт-Петербург (94,8 тыһ.), Москва уобалаһа(91,8 тыһ.), Краснодарскай кыраай, (65,9 тыһ.), Свердловскай уобалас (42 тыһ.), Тюмень уобалаһа (40,8 тыһ.), Новосибирскай уобалас (34 тыһ.), Ростов уобалаһа (31,9 тыһ.), Татарстан Өрөспүүбүлүкэтэ (31,9 тыһ.) уонна Ленинград уобалаһа (28,5 тыһ.) тураллар.
«Тутуу эйгэтигэр уустук кэмнэргэ чэпчэтиилээх ипотека судаарыстыбаҕа дьону дьиэлэнэригэр, олорор усулуобуйатын тупсарыы кыһалҕатын быһаарарга төһүү күүс буолла. Ааспыт сыл экэниэмикэ халбаҥныыр кэмигэр бу өҥө ырыынагы өйөөтө, тутар хампаанньалар эстибэккэ үлэлииллэрин, саҥа бырайыактары олоххо киллэрэллэрин хааччыйда. Биһиги сыанабылбытынан 2023 сылга чэпчэтиилээх ипотеканан 215 тыһ. дьиэ кэргэн туһаныаҕа. Бастакы икки ый устата 28 тыһ. дьиэ кэргэн судаарыстыба өйөбүлүнэн туһанна, оттон ДОМ.РФ кыттыылаах бары бырагыраамалары ааҕан ыллахха, 100 тыһ. олорор усулуобуйатын тупсарбыт дьиэ кэргэн туһунан этиэххэ сөп”, — диэн эттэ ДОМ.РФ генеральнай дириэктэрэ Виталий Мутко.
Билигин бааннар “Чэпчэтиилээх ипотека” көмөтүнэн кэрэдьиит ставката муҥутуур таһымыттан – 8% бырыһыантан аллараа ставканан кэрэдьииттэри биэрэллэр. Холобур,ДОМ.РФ бааныгар алын ставка 6,8% бырыһыаҥҥа тэҥнэһэр, бу кэрэдьиитинэн саҥа дьиэҕэ кыбарытыыра ылахха сөп, ону кытта саҥа дьиэ туттуохха сөп, уоннатутааччы атыылыыр бэлэм дьиэтигэр кыбартыыра ылыахха сөп. Ырыынакка ипотека ставката 11% буоларын учуоттаан туран, бу бырагыраама улахан көдьүүстээҕэ харахха быраҕыллар.
ДОМ.РФ «Чэпчэтиилээх ипотека» (8%), «Дьиэ кэргэн ипотеката» (6%), «Уһук Илиҥҥи ипотека» (2%) «ИТ-ипотека» (5%) бырагыраамалар оператордара. Сиһилии иоптека туһунан спроси.дом.рф порталга киирэн, эбэтэр 8-800-775-11-22 төлөпүөҥҥэ эрийэн билсиэххэ сөп.
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…
Бүгүн, ыам ыйын 5 күнүгэр, Хатаска уонна Дьокуускайга Иван Тихоновы көрдүүр дьон муһуннулар. Сүппүт уолу…
Быйыл кулун тутарга Крым Өрөспүүбүлүкэтэ уонна Севастополь куорат Арассыыйа састаабыгар киирбиттэрэ уон сыла буолбута. Севастополь…
Ааспыт сууккаҕа өрөспүүбүлүкэҕэ икки буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр. Дьокуускайга итирэн баран…