Хаартыска: С. Халгаева тиксэриитэ.
Соторутааҕыта Дьокуускай куораттан аһаҕас халлаан анныгар турар Д.К. Сивцев-Суорун Омоллоон аатынан Чөркөөхтөөҕү политсыылка түмэлигэр культурологическай эспэдииссийэ үлэлээтэ.
Эспэдииссийэ салайааччытынан Санкт-Петербургтан сылдьар, билигин АГИКИ-га культурология уонна Арктика норуотун култууратын нэһилиэстибэтин кафедратын доктора, профессор Т.Ф. Ляпкина, маны сэргэ М.К. Аммосов аатынан ХИФУ Хотугулуу-илиҥҥи норуоттарын тылларын уонна култуураларын институтун культурологияҕа кафедратын доцена С.С. Протопопов уо.д.а. кэллилэр.
Эспэдииссийэ сүрүн сыалынан-соругунан түмэлгэ хараллан турар эспэнээттэри үөрэтии буолар. Манна культурологическай эспэртиисэни ыытыы, чинчийии, сыаннаһын үөрэтэн көрүү киирэр. Бастакы күн Татьяна Ляпкина икки түмэл үлэһиттэригэр «Культурологическай эспэртиисэ» лиэксийэни аахта. Татьяна Федоровна түмэл эбийиэктэригэр тохтоон, XIX-үйэтээҕи архитектурнай тутуулары сэҥээрбитин, аан дойдуга ханна да суох тутуулар буолалларын бэлиэтээтэ. Тутуулары харыстааһыҥҥа үлэ уталыйбакка барыахтааҕын, билигин симэлийэр куттал баарын эттэ. Салгыы Татьяна Федоровна: «Эспэртиисэни архитектурнай тутуулар ымпыктарын-чымпыктарын билэр киһи ыытыан наада. Мин бэйэм өттүбүттэн уопсастыбаннай бачыым быһыытынан биир эбийиэккэ эспэртиисэ оҥоруохпун сөп», — диэтэ.
Иккис күн ыалдьыттар Былатыан Ойуунускай киинэ түспүт сирэм күөх алааһыгар тахсан күүс-уох, алгыс ыллылар. Манна Чөркөөхтөөҕү политсыылка түмэлин сэбиэдиссэйэ Михаил Протодьяконов көрсөн, экскурсия ыытан, туох үлэ барыахтааҕын көрдөрдө, сиһилии кэпсээтэ.
Эспэдииссийэ үлэтигэр түмэлтэн Изабелла Жерготова, Анна Борисова, Сардаана Аввакумова, Оксана Жерготова киирэн үлэлэстилэр. Салгыы үлэ саҥа торумун тутуһан, ыллыктаах кэпсэтии олоххо киириэ диэн эрэнэбит.
С.Халгаева.
Хаартыскаҕа көрсүһүү түгэннэриттэн.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…