«Чолбон» сурунаал саҥа нүөмэригэр быйыл Саха Өрөспүүбүлүкэтигэр биллэриллибит Ийэ сылынан уонна Ийэ күнүнэн саха чулуу поэттара ийэни хоһуйбут айымньылара, ол иһигэр дьон-сэргэ уоһуттан түспэт ырыа буолбут хоһооннор бэчээттэннилэр.
Прозаҕа Арассыыйа Суруйааччыларын сойууһун «буруолуу сылдьар» чилиэнэ Бүөтүр Хара “Тоҥустуур аартыгар” диэн гражданскай сэрии туһунан мүччүргэннээх сэһэнин саҕаланыыта таҕыста.
Поэзияҕа үс көлүөнэ лирик поэт — Вячеслав Хон, Арылы Дуйдаах уонна Харыйалаах Уола саҥа хоһооннорун билиһиннэрэбит.
Пандемия кэннинээҕи аан дойду туругун, анал байыаннай эпэрээссийэ кэтэҕэр туох хамсааһыннар буола туралларын, Кытай бэлиитикэтин ис куукунатын туһунан политолог Чокуур Гаврильевтыын Утум Захаров сэһэргэстэ.
Умнулла быһыытыйбыт биллэр фольклорист Афанасий Порядин гражданскай сэрии Мэҥэ Хаҥалас сиригэр хайдах барбытын туһунан ахтыыта аан бастакытын күн сирин көрдө.
Аныгы тыа сирин, учууталлар уонна үөрэнээччилэр кыһалҕаларын кэрэхсэбиллээхтик суруйар прозаик Татьяна Находкинаны кытары Айысхаана атах тэпсэн олорон кэпсэттэ.
Онон «Чолбон» алтынньытааҕы нүөмэрин кэрэхсээн ааҕыҥ! Күн – сири, Чолбон – саханы сырдатар!
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…