Чурапчы оройуонугар патриотизм уонна Ийэ дойдуну көмүскээччилэргэ ытыктабыл кыра эрдэхтэн иитиллэр

Аҕа дойдуну көмүскээччи – үгүс киһи сөбүлүүр бырааһынньыгынан буолар. Олунньу 20 күнүгэр Чурапчы нэһилэгин «Улыбка» оҕо уһуйааныгар Аҕа дойдуну көмүскээччи күнүгэр аналлаах тэрээһин буолан ааста. Тэрээһиҥҥэ иитиллээччилэр эһээлэрэ уонна аҕалара көхтөөхтүк кытыннылар.

Тэрээһиҥҥэ Чурапчытааҕы судаарыстыбаннай иниспиэксийэ иниспиэктэрдэрэ оҕолорго экоуруогу ыыттылар, оттон улахан дьоҥҥо быраабылаларын, тулалыыр эйгэни харыстааһын туһунан сырдаттылар.

Сүрүннээн оҕолор, аҕалар уонна эһээлэр Калашников аптамааты ыһыыга уонна хомуйууга, успуорт национальнай көрүҥнэригэр уонна дартска күрэхтэһиилэр ыытылыннылар. Тэрээһиҥҥэ барыта 80-ча киһи кытынна.