Чурапчы улууһун дьаһалтата байыаннай дьайыылар кыттыылаахтарын дьиэ кэргэттэрин чилиэннэригэр дастабырыанньа оҥордо. Улуус баһылыга Степан Саргыдаев байыаннай эпэрээссийэҕэ улуустан баран кытта сылдьар байыастар кэргэннэрин, ийэлэрин сааскы бырааһынньыгынан эҕэрдэлээн туран, бу дастабырыанньалары туттартаабытын, маннык дастабырыанньа байыаннай дьайыылар кыттыылаахтарын кэргэннэригэр, оҕолоругар бэриллэрин кэпсээтэ.
— Бары билэ-көрө, кытта сылдьарбыт курдук, байыаннай дьайыыларга сылдьар буойуттарбыт дьиэ кэргэннэригэр өрөспүүбүлүкэҕэ уонна улууспутугар араас хайысхалаах өйөбүл оҥоһулла турар. Биһиги улууспут Ил Дархан Айсен Сергеевич Николаев ааспыт сылга таһаарбыт дьаһалынан тута буойуттарбыт дьиэ кэргэттэригэр араас өрүттээх көмөнү оҥорууну тэрийбитинэн, үлэлээбитинэн барбыта.
Бу туттарыллыбыт дастабырыанньа быһыытынан, «Байыаннай дьайыы кыттыылааҕын дьиэ кэргэнин чилиэнэ» статуһунан кэккэ чэпчэтиилэр олохтоннулар: дастабырыанньанан улуус култуурунай тэрээһиннэригэр сылдьыы, «Айыллаан» киинэ тыйаатырыгар оҕолор ханнык баҕарар киинэни көрүүлэрэ босхо, улахан дьон киинэни 50% чэпчэтиилээх көрүөхтэрэ. Чурапчы — Аллараа Бэстээх- Дьокуускай сылдьар оптуобустарга ыйга биирдэ 50% чэпчэтии баар буолла уонна улуус иһигэр сүүрэр социальнай тырааныспардарынан босхо сылдьыахтара. Дьиэ кэргэн оҕолоро уочарата суох уһуйааҥҥа киириэхтэрэ, оҕо, дьахтар консультацияларыгар уочарата суох көрдөрүнүөхтэрэ, оскуола оҕолоро босхо аһыахтара.
Улуус дьаһалтата маннык миэрэлэри ылыныытын тустаах дьон өйөбүл эбии дьаһалларын быһыытынан сыаналааннар, дастабырыанньа көдьүүстээх уонна олус табыгастаах буолуоҕун бэлиэтээн, махталларын биллэрдилэр.
Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…