Дьокутаат холуобунай дьыалаҕа эрилиннэ

Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини доруобуйаҕа буортуну соруйан оҥоруу ыстатыйатынан буруйданар.

Силиэстийэ быһаарыытынан, 2025 сыл алтынньытыгар түүн Дьааҥы улууһун Бөтөҥкөс сэлиэнньэтигэр Духуобунас киинин таһыгар (дискотека буолбут сирэ) дьокутаат билэр киһитиниин мөккүһэн турбуттар. Ол түмүгэр буруйданааччы мас дуосканан  анараа киһитин төбөҕө охсон, доруобуйатын  халымардык эчэппит.

Холуобунай дьыаланы борокуруор салгыы үөрэтиигэ суукка ыытта.

СӨ борокуратуурата