Дмитрий Лепчиков: «Норуот өйдөөн туран, итэҕэйэн уонна өйөөн талбытын кэрэһилиир»

СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков Арассыыйа Бэрэсидьиэнэ Владимир Путин дуоһунаһыгар киирбитин кэннэ санаатын үллэһиннэ.

Миниистир этэринэн, бэһис төгүлүн норуот дириҥ итэҕэлин уонна улахан өйөбүлүн ылбытын бэлиэтээтэ:

— Владимир Путин Арассыыйа Федерациятын Бэрэсидьиэнин дуоһунаһыгар киирдэ. Кини саҥа норуотун иннигэр андаҕар биэрдэ уонна алта сыллаах болдьоҕор судаарыстыба баһылыгынан үлэтин саҕалаата.

Дойду Бэрэсидьиэнин биэс сыллаах болдьоххо талыы Арассыыйа норуота өйдөөн туран, итэҕэйэн уонна өйөөн талбытын кэрэһилиир. Владимир Путин норуотун уонна дойдутун иннигэр бэриниилээҕин дьыаланан уонна кырдьыгынан көрдөрдө.