Дмитрий Захаров-Хараҥаччы: «Ийэ сиргин ытыктаа»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 71-с кыттааччыта Мэҥэ Хаҥалас Сыымаҕыттан  Захаров Дмитрий Дмитриевич-Хараҥаччы:

Ийэ сиргин ытыктаа

Сэбиэскэй эрдэхтэн иитиллэн
Сэриини утарар этибит,
Сиэрдээхтик дьаһанан, тэриллэн
Сир дьонун көмүскээн кэлбиппит.

Оскуола саҕаттан такаллан,
Олоҕу харыстыыр буоларбыт,
Омуктар биир тэҥҥэ хаамсыһан,
Олорон, үлэлээн кэллэхпит.

Байыаннай үөрэххэ бэлэмнээн
Кылааска үөрэтэр кэмнэрбит,
Барарбыт эйэни көмүскээн
Кыайыылаах тахсарбыт тиийэммит.

Уол оҕо эрэнэр эрэлбит
Удьуору утумнуур кэскилбит,
Уоскулаҥ илгийэр киһибит
Убаастыыр, ытыктыыр эрэппит.

Барыга билиилээх тиийэргэ
Кыһаттан иитэлээн таһаарыах,
Дойдуну ытыктыыр буоларга
Кыракый саҕаттан кыһаллыах.

Билигин кадекка уһуйан
Дойдуга таптала уһуктар,
Билиитин олоххо туһанан
Доруобай эйгэни тутуһар.