«ДНК» биэриигэ Саха сириттэн биэс дьахтар хаан уруу буолаллара быһаарылынна

Арассыыйатааҕы федеральнай «НТВ» ханаал «ДНК» биэриигэ  Саха сириттэн биэс дьахтар уонна эр киһи 40 сыл кэннэ бэйэ-бэйэлэрин буллулар, хаан уруу аймахтыы буолалларын быһаардылар.

Устуоруйа кэпсииринэн, Аллараа Бэстээхтэн Ирина Кейметинова уонна Абый улууһун Кэбэргэнэ сэлиэнньэтиттэн Вера Слепцова бэйэ-бэйэлэрин хаартыскаҕа көрөн, хаан уруу балтылыы – эдьиий буолалларын туһунан сабаҕалаабыттар. Аны туран ийэлэрин хаһан да көрбөтөхтөр эрээри, кини араспаанньата Аргунова буоларын билэллэр эбит.  Маны сэргэ 60 саастаах Артур Борисов эмиэ уруккута Альфред Аргунов диэн ааттаах бииргэ төрөөбүттэрин көрдүүрүн туһунан кыыһа Клара Уварова кэпсээтэ. Ити курдук, Галина Аргунова Марха приютугар биэс оҕону хаалларбыта быһаарылынна.

Биэрии кэмигэр дьахтар аймах барыта ДНК тест ааһаннар, Маргарита, Вера, Ирина, Евгения уонна Элеонора балтылыы – эдьиий уонна Артур хаан уруу буолаллара быһаарылынна.