Салгыы
До выборов президента РФ
00 дней
:
00 часов
:
00 минут
:
00 секунд
Тополинай ыала Москваҕа наҕараадаланна

Тополинай ыала Москваҕа наҕараадаланна

Ааптар:
19.10.2023, 18:15
Хаартыска СӨ Үлэҕэ уонна социальнай сайдыыга министиэристибэтин пресс-сулууспатыттан
Бөлөххө киир:

Москваҕа Бүтүн Арассыыйатааҕы «Сыл бастыҥ дьиэ кэргэнэ» күөн күрэс кыайыылаахтарын эҕэрдэлээһин үөрүүлээх сиэрэ-туома ыытылынна.

Бу улахан долгутуулаах тэрээһиҥҥэ модун Арассыыйа бары муннугуттан 80-тан тахса ыал түмүстэ. Кинилэр ортолоругар ыраах Томпо оройуонун Тополинайыттан Стручковтар дьиэ кэргэн бааллар диэн СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.

Варвара уонна Дмитрий Стручковтар «Семья — хранитель традиций» анал аат кыайыылааҕынан буоллулар. Иллээх ыал — удьуор табаһыттар. Кинилэр дьиэ кэргэн үгэстэрин харыстаан илдьэ сылдьаллар, табаһыттар үлэлэригэр оҕолорун сыһыараллар, үгэһи, сиэри-туому оҕолоругар, сиэннэригэр тиэрдэр баҕалаахтар. Стручковтар түөрт оҕолоохтор. Улахан уол тиэхиньикумҥа үөрэнэр, онтон кыра кыыстара тоҕус ыйдаах.
Хаартыска СӨ Үлэҕэ уонна социальнай сайдыыга министиэристибэтин пресс-сулууспатыттан

Үөрүүлээх тэрээһин «Золотое кольцо» диэн норуот музыкатын уонна ырыатын национальнай тыйаатырыгар буолла. Уустук быһыыга-майгыга түбэспит оҕолору өйүүр пуонда бырабылыанньатын бэрэссэдээтэлэ Марина Гордеева быйылгы күрэс киэҥ сири-уоту хаппытын бэлиэтээтэ. Бастыҥынан ааттаммыттар ортолоругар 52 ыал (61%) тыа сиригэр- бөһүөлэктэргэ, дэриэбинэлэргэ, аулларга, станицаларга, хутордарга олорорун тоһоҕолоон эттэ. «Сыл бастыҥ дьиэ кэргэнэ» куонкуруһу Арассыыйа бары эрэгийиэннэрэ өйүүллэр.

Быйылгы куонкуруска Арассыыйа 86 субъегыттан, ол иһигэр Донецкай, Луганскай норуодунай өрөспүүбүлүкэлэриттэн барыта 384  ыал кыттыбыт. Түмүккэ 85 ыал кыайыылааҕынан тахсыбыт.

+1
2
+1
0
+1
0
+1
0
+1
0
+1
0
+1
1
Бары сонуннар
Салгыы
23 февраля
  • -36°C
  • Ощущается: -36°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: