Дьокуускай аэропордун көтөр балаһатын өрөмүөнэ балаҕан ыйыгар түмүктэниэ

Бүгүҥҥү быһа эпиир кэмигэр Айсен Николаев Дьокуускай куорат аэропордун көтөр балаһатын өрөмүөнүн туһунан этэн аһарда.

Ил Дархан өрөмүөн түмүктэниэхтээх болдьоҕун чопчулаан эттэ – бу сыл балаҕан ыйыгар диэри сөмөлүөттэр көтөр-түһэр балаһалара үлэҕэ киириэхтээх.

От ыйын 15 күнүгэр диэри Дьокууускайтан Москваҕа, Санкт-Петербурга Boeing-737-700 сөмөлүөт көтүөҕэ, суолун ортотугар Нижневартовскай куоракка түһэн ааһар буолуоҕа.

От ыйын 16 күнүттэн рейстэри Boeing-737-800 сөмөлүөт оҥоруоҕа.

Балаһа өрөмүөнэ түмүктэммитин кэнниттэн, быһа холоон алтынньыга аэропорт сэртипикээтин ылыахтаах, ол кэнниттэн сөмөлүөт сырыыта сөптөөх эрэсиимигэр киирэн үлэлиэҕэ.