Хаартыскаҕа Василий Прокопьев түһэриитэ
Дьокуускай Бүтүн Арассыыйатааҕы күрэх бастакы түһүмэҕин ситиһиилээхтик ааһан, «Арассыыйа ыччатын киин куората — 2027» үрдүк ааты ыларга туруорсар уон бастыҥ куорат ортотугар киирдэ. Бу туһунан куорат дьаһалтата иһитиннэрэр.
Бэлиэтээн эттэххэ, Дьокуускайы кытта тэҥҥэ иккис туурга Архангельскай, Улуу Новгород, Иваново, Краснодар, Мурманскай, Нальчик, Сыктывкар, Уфа уонна Ярославль куораттар аастылар.
Күрэххэ салгыы кыттар куораттар сэтинньи 10 күнүгэр диэри «Сайаапка кинигэтин» — куорат ис хоһоонун уонна медийнай каартатын көрдөрөр кэлим докумуону бэлэмнээн биэриэхтээхтэр. Бу докумуоҥҥа куорат сүрүн уратыларын уонна бастыҥ өрүттэрин көрдөрүөхтээхтэр. Ол курдук, устудьуоннар инфраструктураларын сайдыыта, айар-тутар эйгэ баара, ыччат көҕүлээһиннэрин ахсаана уонна хаачыстыбата, ону тэҥэ култуурабыт төрүт уратыта киириэхтээх.
Эспиэрдэр дьүүллүүр сүбэлэрэ докумуон ис хоһоонун эрэ буолбакка, кыттааччылар медийнай стратегияларын эмиэ сыаналыаҕа. Ол түмүгүнэн сэтинньи 10 күнүгэр биэс финалист аата биллиэҕэ.
Кыайыылаах куорат 2027 сыл устата Арассыыйа ыччатын киинэ диэн үрдүк ааты сүгэр чиэскэ тиксиэҕэ.
Бу кыайыы куоракка федеральнай өйөбүлү, араас граннарга кыттар быраабы, ыччат бөдөҥ пуорумнарын ыытары, ону таһынан эдэр исписэлиистэр уонна туристар кэлиилэрин хааччыйыаҕа, сайдыы саҥа суолун арыйыаҕа.
Сэтинньи 4 күнүттэн 9 күнүгэр диэри Дьокуускайга ыытыллар IX Норуоттар икки ардыларынааҕы киинэ бэстибээлигэр «Фокус:…
Дьокуускай куорат полициятын үлэһиттэрэ тутуу үнүстүрүмүөннэрин уоруу дьыалатын арыйдылар. Буруйу оҥорбут уорбаланааччынан 27 саастаах олохтоох…
Бэҕэһээ, сэтинньи 29 күнүгэр, ХИФУ филологическай факультетыгар бастакы «Бурцевскай ааҕыылар» буолан аастылар. Тэрээһин бэрэпиэссэр, саха,…
Саха сириттэн «Градо Студио» архитектурнай бюротун алта бырайыага Уһук Илин уокуругун «ДальАрх» маҥнайгы Национальнай архитектура…
Алтынньы 30 күнүттэн сэтинньи 1 күнүгэр диэри Дьокуускай куорат Комсомольскай болуоссатыгар «Саха сирин балыга» үгэс…
СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов уонна Ил Түмэн Бэрэссэдээтэлин солбуйааччы Афанасий…