Хаартыска: Ньургуйаана Анисимова, Мииринэй улууһун дьаһалтатын пресс-сулууспата.
СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов уонна Ил Түмэн Бэрэссэдээтэлин солбуйааччы Афанасий Владимиров Мииринэйгэ үлэлиир кэмнэригэр баҕа өттүнэн көмөлөһөөччүлэри кытта көрүстүлэр.
«Мы вместе – Мирный» аһымал пуондатыгар Анна Куклина ыстаап үлэтин туһунан кэпсээтэ, ыалдьыттарга иистэнэр сыаҕы, фроҥҥа барар баһыылкалары, 3D-принтердэри көрдөрдө. Волонтердар күүстэринэн 17 массыына өрөмүөннэнэн уонна сөргүтүллэн байыаннай дьайыыга сылдьар биир дойдулаахтарбытыгар ыытыллыбыт. Билигин өссө сэттэ массыына ыытылларга бэлэм турар, оттон икки тиэхиньикэ өрөмүөҥҥэ баар.
«Нэдиэлэ аайы байыаннай дьайыы зонатыгар 400 киилэ кэриҥэ таһаҕаһы ыытабыт», – диэн Анна Куклина иһитиннэрдэ.
Салгыы салайааччылар «МИРные руки ангела» аһымал пуондатын ыстаабыгар сырыттылар. Ирина Бурлова кэпсээбитинэн, манна волонтердар байыастарга наадалаах 46 көрүҥ таҥаһы тигэллэр. Бу таҥас-сап уонна сэп-сэбиргэл инники кирбиигэ да, госпиталларга да туттуллар.
Икки ыстаапка бэлиэтээбиттэринэн, байыастар оҕолор суруктарын, оонньуурдарын уонна харысхалларын олус харыстаан туталлар уонна сыаналыыллар.
Ил Дархан уонна Бырабыыталыстыба дьаһалтатын салайааччыта Георгий Михайлов Мииринэй бары волонтердарыгар фроҥҥа улахан көмөлөрүн иһин махтанна. Кини алмаастаах киин куорат ыстааптарын үлэтэ үрдүк таһымҥа тэриллибитини бэлиэтээтэ диэн, Мииринэй улууһун дьаһалтата иһитиннэрэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Дьокуускай куорат полициятын үлэһиттэрэ тутуу үнүстүрүмүөннэрин уоруу дьыалатын арыйдылар. Буруйу оҥорбут уорбаланааччынан 27 саастаах олохтоох…
Бэҕэһээ, сэтинньи 29 күнүгэр, ХИФУ филологическай факультетыгар бастакы «Бурцевскай ааҕыылар» буолан аастылар. Тэрээһин бэрэпиэссэр, саха,…
Саха сириттэн «Градо Студио» архитектурнай бюротун алта бырайыага Уһук Илин уокуругун «ДальАрх» маҥнайгы Национальнай архитектура…
Алтынньы 30 күнүттэн сэтинньи 1 күнүгэр диэри Дьокуускай куорат Комсомольскай болуоссатыгар «Саха сирин балыга» үгэс…
Александр Егорович Находкин силис тардыбыт, өбүгэтин сиригэр – Уус Алдан улууһун Бороҕон нэһилиэгэр биир дойдулаахтара…
Дьокуускай Бүтүн Арассыыйатааҕы күрэх бастакы түһүмэҕин ситиһиилээхтик ааһан, «Арассыыйа ыччатын киин куората — 2027» үрдүк…