Хаартыска: ааптар.
Бүгүн Дьокуускай куорат 6-с нүөмэрдээх оскуолатыгар Бүтэһик чуораан тыаһаата. Үөрүүлээх тэрээһиҥҥэ СӨ Ил Дархана Айсен Николаев, Үөрэх уонна билим миниистирэ Ирина Любимова, Дьокуускай куораттааҕы үөрэх управлениетын начаалынньыга Мария Петрова кытыннылар.
“Быйыл Саха сирэ киһитин ахсаанынан мөлүйүөҥҥэ тиийиэхтээх. Төһөнөн элбэх оҕо, соччонон элбэх оскуола, уһуйаан тутуллара ирдэнэр. Быйылгы сылга 18 оскуоланы, 6 уһуйааны туттубут. Ааспыт биэс сылга 48 оскуола уонна 75 уһуйаан үлэҕэ киирбитэ.
Былырыын биир кэлим эксээмэни 100 баалга туттарбыт хас биирдии үөрэнээччигэ 100-түү тыһ. солк. бириэмийэни туттарбыппыт. Бириэмийэни барыта 22 үөрэнээччи ылбыта. Оҕолору көҕүлүүр, өйүүр инниттэн бу бириэмийэни салгыырга быһаарынным. Саамай сүрүнэ бу буолбатах, кылаабынайа биһиги оҕолорбут патриот, куораппытын, өрөспүүбүлүкэбитин, дойдуну хамсатар кыахтаах дьон быһыытынан иитиллэн тахсаллара суолталаах. Оскуоланы бүтэрээччилэргэ ситиһиини баҕарабын”, — диэн Ил Дархан эттэ.
Санатан эттэххэ, Айсен Николаевы Бүтэһик чуорааҥҥа тустаах оскуола 11-с кылааһын үөрэнээччитэ Максим Лисенев Өрөспүүбүлүкэ күнүгэр буолбут быһа сибээс кэмигэр ыҥырбыта. “Бүгүн Бүтэһик чуораан күнэ, долгуйбыт. Ил Дарханы оскуолабытыгар ыҥырар туһунан санаа бэйэм толкуйум этэ. Тоҕо диэтэххэ, кини бэйэтинэн туттарбыт оскуолата буолар”, — диэн Максим суруналыыстарга хоруйдата.
11-с кылаас үөрэнээччитэ Марина Дьяконова: “Кылааспытыгар 14 кыыс, 10 уол үөрэнэр. 2019 сыллаахха, оскуола саҥа тутуллан үлэҕэ киирэр сылыгар улуустан көһөн кэлбитим. Оскуолабын олус сөбүлүүбүн, бүгүҥҥү үөрүүлээх күнтэн долгуйабын. Биир кэлим эксээмэҥҥэ устуоруйаны уонна обществознаниены талбытым. Юрист буолар баҕа санаалаахпын”, — диэн үөрүүтүн үллэстэр.
Санатан эттэххэ, Дьокуускай куорат 6-с нүөмэрдээх оскуолатыгар барыта 1492 оҕо үөрэнэр, быйыл 24 үөрэнээччи бүтэрэр.
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…
Уһун кыһынтан, дьиэҕэ олорортон хал буолбут Саха сирин олохтоохторо ыам ыйыгар айылҕаҕа талаһабыт, аймахтар, доҕоттор…
Бүгүн, ыам ыйын 4 күнүгэр, Арассыыйатааҕы көҥүл тустууга чөмпүйэнээт түмүк күнүгэр, көбүөргэ саха спортсмена Уйгулаан…
Саха сиринээҕи силиэстийэлиир кэмитиэт управлениета бүгүн, ыам ыйын 4 күнүгэр, киин куорат Хабаров аатынан уулуссаҕа…