Дьокуускайга 12 саастаах кыыһы массыына түҥнэри көттө

Саха сиригэр суукка иһигэр сэттэ буруйу кэһии таҕыста диэн СӨ Дьуһуурунай борокуруора иһитиннэрэр.

Мииринэй Чернышевскай бөһүөлэгэр 43 саастаах дьахтары өлөрдүлэр. Уорбаланааччыны туттулар.

Дьокуускайга Билибин аатынан уулуссаҕа баар маҕаһыыны икки эр киһи халаата. Каассаттан алта тыһыынчаттан тахса солкуобайы уорбуттар. Буруйу оҥорууга уорбаланааччылары Фараон диэн полицейскай ыт тутта. Ол туһунан сиһилии манна ааҕыҥ.

Дьокуускайга 42 саастаах дьахтар доруобуйатын ыараханнык эчэттилэр.

Итиэннэ Дьокуускайга уоруу туһунан сайабылыанньа киирбит. Дьокуускайга уонна Нерюнгрига массыына ыытар сымыйа быраабы туһаммыттара биллибит.

Суукка иһигэр сэттэ техногеннай баһаар буолла, өлбүттэр, эчэйбиттэр суохтар.

Дьокуускайга Халтурин уулуссатыгар «Тойота Аллион» массыынаны ыытан иһэр суоппар 12 саастаах кыыһы түҥнэри көттө. Кыыһы госпитализациялаатылар.

Суукка иһигэр алта итирик туруктаах суоппары туттулар.