Дьокуускайга 204 кылаас харантыыҥҥа олорор

Сэтинньи 27 күнүнээҕи туругунан, өрөспүүбүлүкэ киин куоратыгар 33 оскуола 204 кылааһа харантыыҥҥа олорор.

Онтон биэс оскуола: 17, 32, 35 нүөмэрдээх оскуолалар, ФТЛ, Марха 1 №-дээх орто оскуолата толору харантыыҥҥа  сабылыннылар.

Дьокуускай куорат уокуруктааҕы дьаһалтатын  үөрэххэ управлениета:

“Билигин үөрэх управлениета киин куорат муниципальнай оскуолаларыгар кириип уонна ОРВИ ыарыыларыгар күн аайы мониторины ыытар. Роспотребнадзор  ыарыыны сэрэтиигэ этиилэрэ толоруллаллар.

Роспотребнадзор ирдэбилинэн, кириип ыарыыта элбиир кэмигэр биир кылааска ыарыы муҥутуур боруога 20% аһардаҕына, хааччахтыыр миэрэлэр киллэриллэллэр. Быһаарыыны уопсай үөрэхтээһин тэрилтэтин салалтата ылынар”, — диэн иһитиннэрдэ.