Дьокуускайга Бааһынай ырыынагын иннигэр сылаас тохтобул баар буолла

Киин куоракка «Бааһынай ырыынак» тохтобулугар сылаас павильон туруорулунна.

Дьокуускай куорат суол-тырааныспар сулууспата иһитиннэрэринэн, түмүктүүр үлэлэр ыытылла тураллар: суруктары оҥоруу, уокка холбооһун, ыскаамыйалары туруоруу уонна тупсаран оҥоруу атын элэмиэннэрэ.

Сылаас тохтобуллар  алтынньы ый бастакы аҥаарыгар аһыллыахтара.