Бүгүҥҥүттэн, балаҕан ыйын 28 күнүттэн, Дьокуускайга «Өрөгөй» успуорка бэлэмнэнии киинигэр «Боотурдар оонньуулара» диэн үгэскэ кубулуйбут өрөспүүбүлүкэтээҕи бэстибээл саҕаланна. Күрэхтэһии Саха сириттэн көҥүл тустууга уолаттарга аан дойдуга бастакынан чөмпүйүөннээбит Илларион Георгиевич Федосеев кэриэһигэр ыытыллар.
Күрэхтэһии тустуу үс көрүҥүнэн барар — көҥүл, гректии-римнии уонна дьахтар тустуута. Бастакы күҥҥэ үс көбүөрүнэн 269 тустуук илин-кэлин түсүһүөҕэ.
«Бу күрэхтэһиигэ өрөспүүбүлүкэбит 22 улууһуттан эдэр спортсменнар кытталлар. Бу бэстибээл 2024 сылга Дьокуускайга буолар «Азия оҕолоругар» бастакы сүүмэрдиир түһүмэҕинэн буолуоҕа», — диэн СӨ көҥүл тустууга оҕолорго старшай тириэньэрэ Кузьма Сивцев этэр.
Бэстибээл икки күн устата ыытыллыаҕа диэн СӨ Сүүмэрдэммит хамаандаларын спортивнай бэлэмнээх буолууларын өрөспүүбүлүкэтээҕи киинин пресс-сулууспата иһитиннэрэр.
Хаартыскалар: пресс-сулууспаттан.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…