Дьокуускайга кыраайы үөрэтээччилэр  түмсэн кэпсэттилэр

Муус устар 6-7 күннэригэр “Арассыыйа — мин устуоруйам»  түмэлгэ  III өрөспүүбүлүкэтээҕи научнай-практическай кэмпириэнсийэ ыытыллан, устуоруктары  уонна кыраайы үөрэтээччилэри түмтэ.

Тэрээһин түөрт сиэксийэнэн үлэлээтэ. Онно  мэдиссиинэ, үөрэхтээһин,  тыа хаһаайыстыбатын, бырамыысыланнас, култуура уо.д.а. тиэмэлэринэн  дакылааттары аахтылар. Кыраайы үөрэтээччилэр, бибилэтиэкэрдэр, түмэл үлэһиттэрэ, учуонайдар, аспираннар, учууталлар, архивистар, устудьуоннар хото кытыннылар. Сыл аайы үрдүкү кылаас үөрэнээччилэрэ кыттыылара элбээн иһэр.

Тэрээһин устуоруктар уонна кыраайы үөрэтээччилэр “төгүрүк остуолларынан” түмүктэннэ. Кэмпириэнсийэ түмүгүнэн бастыҥ дакылааттар бэчээттэниэхтэрэ.