Дьокуускайга матаһыыкылынан икки суол саахала таҕыста

Дьокуускайга бэҕэһээ киэһэ, от ыйын 8 күнүгэр, матаһыыкыл массыынаны кытта харсыһыы түмүгэр икки суол быһылаана таҕыста. Матаһыыкыл суоппардара тиэхиньикэ ыытар дастабырыанньалара суоҕа билиннэ. Суоппардары балыыһаҕа киллэрдилэр.

Бу туһунан Саха сиринээҕи Гоставтоинспекция пресс-сулууспата иһитиннэрэр. Барыллаан силиэстийэ быһаарытынан, «Ниссан Альмера» массыына 1962 с.т. суоппара дьиэ аттынааҕы территориятыттан Покровскайдааҕы тракка тахсан иһэн «Suzuki GSX-R600» матаһыыкылы аһардыбакка харсыста.

Кэлин арыый хойут матаһыыкыл массыынаны кытта харсыста.Барыллаан силиэстийэ быһаарыытынан, 1997 с.т. суоппара «Сузуки Гранд Витара» масыынанан Поярков-Пушкин уулуссалар быһа охсуһуутугар 1993 с.т. суоппар матаһыыкылын аһардыбакка харсыста. Матаһыыкыл суоппардара тиэхиньикэ ыытар дастабырыанньалара суохтара уонна шлемнаах айаннаан испиттэрэ быһаарылынна.

Госавтоинспекцияҕа матаһыыкылы туһааннаах дастабырыанньата суох ыытыы иһин 5000-тан 15000 солк. диэри суумалаах административнай ыстараап уонна тырааныспары анал стоянкаҕа илдьэн туруоруу көрүллэрин санаттылар.