Дьокуускайга оҕолор кыттыылаах икки суол саахала таҕыста
![](https://sakha-sire.ru/wp-content/uploads/2024/06/95-2-900x596.jpg)
Бу күннэргэ Дьокуускайга сокуоннай саастарын ситэ илик оҕолор кыттыылаах икки суол быһылаана регистрацияланна.
Бэҕэһээ, бэс ыйын 27 күнүгэр, Орджоникидзе аатынан уулуссаҕа 16 саастаах сааһын ситэ оҕо матасыыкылынан светофор «кыһыл уотун» билиммэккэ, суолга тахсан биэрэн, «Тойота Аква» массыынаны кытта харсыста. Саахал түмүгэр эдэр матасыыкыл суоппара уонна 15 саастаах кыыс пассажир араас эчэйиилээх балыыһаҕа киирдилэр. Сааһын ситэ илик суоппар уолга административнай матырыйаал тэрилиннэ. Матасыыкылы анал стоянкаҕа туруордулар. Бу дьыала чахчытынан бэрэбиэркэ ыытыллар.
Ааспыт өрөбүллэргэ эмиэ сааһын ситэ оҕо кыттыылаах суох саахала тахсыбыта бэлиэтэммитэ. 16 саастаах матасыыкыл суоппара пассажирдаах сылдьан тиэргэн иһигэр киирэригэр суох саахалыгар түбэстэ. Сааһын ситэ илик пассажир араас уҥуох тостуулаах уонна суоппар кыра эчэйиилээх балыыһаҕа киирдилэр. Бу туһунан Гоставоинспекция пресс-сулууспата суруйар.
Гоставтоинспекция үлэһиттэрэ булгуччу суол быраабылатын тутуһарга, суолга сэрэхтээх буоларга ыҥыраллар.
Сообщить об опечатке
Текст, который будет отправлен нашим редакторам: