Дьокуускайга саҥардыллыбыт сөтүөлүүр сири бэс ыйын 9 күнүгэр арыйыахтара

Дьокуускай куорат 202 түөлбэҕэ сөтүөлүүр сири официальнайдык арыйыы бэс ыйын 9 күнүгэр былааннанар.

Бу туһунан киин куорат тэхиниичэскэй хааччыйыытын сулууспатыгар иһитиннэрдилэр.

Сыһыарыллыбыт сөтүөлүүр сир территорията билигин саҥардыллан, уларыйан турар. Сөтүөлүүр сир Роман Дмитриев набережнайын саҥардыы үлэтин чэрчитинэн уларыппыттара. Үлэтэ өссө былырыын саҕаламмыта уонна 2024 сыл алтынньытыгар түмүктэммит.

Бэс ыйын 6 күнүгэр киэһэ 17:00 чаастан 202 түөлбэҕэ субуотунньук ыытыллыаҕа. Дьокуускай куорат тэхиниичэскэй хааччыйыытын сулууспатын дириэктэрэ Виктор Наумов нэһилиэнньэни субуотунньукка кыттарга ыҥырда.