Сайын аҥаарыгар 23 киһи ууга былдьанна

Сайын аҥаарыгар Саха сиригэр уопсайа 23 киһи ууга былдьаммыт. Онтон биэһэ сааһын ситэ илик оҕолор буолаллар. Маннык сыыппараны Саха сирин быыһыыр сулууспата көрдөрөр.

Үгүстүк иэдээннээх быһылааннар сөтүөлүүргэ анамматах сирдэргэ сөтүөлээһинтэн тахсар. Бүтэһик түгэн бу сотрутааҕыта, от ыйын 16 күнүгэр Дьокуускай куорат 203  оройуонугар эдэр киһи ууга түһэн былдьаммыта.

Быыһыыр сулууспа биэдэмэстибэтэ сэрэтэринэн, арыгы иһэн баран ууга киирэр олус сэрэхтээх. Киһи дабылыанньата итииттэн, арыгыттан эмискэ тахсан баран тымныы ууга киирдэххэ соһуччу түһүөн сөп. Ол түмүгэр киһи уҥан хаалан тимириэн сөп диэн сабаҕалыыллар.