Хаартыска: Андрей Сорокин, ЯСИА
Биисинэс сайыннаҕына, эрэгийиэн эмиэ сайдар, экэниэмикэҕэ саҥа кыахтар үөскүүллэр.
Саха сирин урбаанньыттара күүстээх бырайыактар Хоту сиргэ үөскүүллэрин уонна ситиһиилээхтик сайдалларын күн аайы дакаастыыллар. Бу туһунан Саха сирин премьерэ Кирилл Бычков Дьокуускайга урбаанньыттар «Альфа Конфа» пуорумнарын аһыллыытыгар эттэ. Саха сирин премьерэ пуоруму ыытыы өрөспүүбүлүкэҕэ улахан суолталааҕын бэлиэтээтэ.
«Альфа Конфа» — урбаанньыттар эйгэлэригэр киэҥ далааһыннаах тэрээһин. «Альфа-Конфа» — 30-тан тахса үрдүкү таһымнаах спикер (тыл этээччи), дойду үрдүнэн уонунан куораттар, сүүһүнэн чаастаах алтыһыы уонна уопут атастаһыыта. Оттон саамай сүрүнэ — урбаанньыттар улахан аудиториялара: Калининградтан Владивостокка диэри бэйэлэрин дьыалаларын сайыннарар уонна саҥа кыахтары көрдүүр баҕа санаанан түмсүбүт дьон.
«Манна технологиялар уонна үнүстүрүмүөннэр эрэ тустарынан буолбакка, саамай сүрүнүн — биисинэс сыаннастарын туһунан кэпсэтэллэрэ ордук сыаналаах. Күүстээх хампаанньалар туохха олоҕуран тэриллэллэрин, биир кэмҥэ түмүктээх, туһалаах уонна ис хоһоонноох бырайыактары хайдах оҥорору дьүүллэһэллэр», — диэн Кирилл Бычков бэлиэтээтэ.
Тэрээһини тэрийээччинэн «Альфа-Банк» АУо буолар. Пуорум Арассыыйа 60 куоратыттан 100 тыһыынчаттан тахса урбаанньыты түмэр. Дьокуускайдааҕы пуорум былаһааккатыгар биисинэс, былаас уонна федеральнай таһымнаах эспиэрдэр көрсүһүүлэрэ саҕаланна. Бастыҥ эспиэрдэр уонна топ-менеджердэр тыл этиилэрэ, биисинэһи салайыы саамай актуальнай боппуруостарыгар панельнай дискуссиялар, интерактивнай сессиялар уонна практическай маастар-кылаастар былааннаналлар.
Алтынньы бүтүүтэ аан дойду ааттаахтарын кэпсэтиитэ бүтүннүү Арассыыйа тула буолла. Биир өттүнэн Владимир Путины кытта…
Дьокуускай куорат борокуратуурата 50 саастаах эр киһиэхэ сыһыаннаах холуобунай дьыалаҕа судаарыстыбаннай буруйдааһыны өйөөтө. Кини социальнай…
Сулустар тугу түстүүллэр? Хой Үлэҕэр кыраттан да сылтаан мөккүөр тахсыан сөп. Ол эрээри дьону тылгар…
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Алтынньы 30 күнүгэр Саха сирин үрдүнэн кыралаан хаар түһэрэ күүтүллэр, оттон Арктика улуустарыгар сорох сиринэн…
Сэтинньи 2–7 күннэригэр Саха сиригэр «Норуот уонна аармыйа биир сомоҕо» диэн IV Өрөспүүбүлүкэтээҕи фашизмы утары…