Дьокуускайга вандаллар биир күн иһигэр үс тохтобулу алдьаттылар

Дьокуускайга Гагаринскай уокурукка вандаллар биир күн иһигэр, сэтинньи 20 күнүгэр үс сылаас тохтобулу алдьаппыттар — Новопортовской, Гагарин искибиэрин уонна Курнатовскай уул. тохтобулларын. Бу туһунан уокурук баһылыга Евгений Сидоренко иһитиннэрдэ диэн «Якутск» телеграм-ханаал суруйар.

Бу уокурукка барыта сэттэ сылаас тохтобул баар. Алдьаммыт тохтобуллары өрөмүөннээри саптылар. Полиция буруйдаахтары көрдүүр.

Евгений Сидоренко олохтоохтортон вандаллары быһаарарга көмөлөһөргө көрдөһөр.