Дьокуускайга ыттар быыстапкалара буолуоҕа

Муус устар 6 күнүгэр Дьокуускайга ыттар быыстапкалара ыытыллыаҕа. Манна лаайка боруодалаах  ыттар кыттыахтара.

Бэлиэтээн суруйдахха, тэрээһин Булчут күнүн көрсө, Экология уонна ойуур хаһаайыстыбатын министиэристибэтин,  Булчуттар уонна балыксыттар сойуустарын, ону сэргэ Дьокуускай куорат дьаһалтатын итиэннэ «Байанай»  булчут ыттар түмсүүлэрин көҕүлээһининэн ыытыллар. Быыстапкаҕа  лаайка боруодалар кыттыахтара. Быыстапкаҕа кыттар ыттар бэтэринээртэн ииримтийиини утары быһыы ылбыттарын туһунан ыспыраапкалаах буолуохтаахтар. Тэрээһин Комсомольскай болуоссакка буолар.

Быыстапкаҕа кыттааччы сайаапкатын 8924 865-73-92, 8914 275-5023  нүөмэрдэргэ эрийэн суруйтарар.