Дьокуускайга ювелирнай киэргэллэрдээх сиэйпэни уордулар

Ааспыт сууккаҕа Саха сиригэр алта буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга, Мэҥэ Хаҥаласка арыгы иһэн баран уруулга олорбут дьон иккистээн тутулуннулар.

Киин куоракка ювелирнай киэргэллэрдээх сиэйпэни уорбуттар. Хоромньу 1,5 мөл.солк. тэҥнэспит.

Мииринэй оройуонугар кыбартыыраттан 130 тыһ.солк. суумалаах тиэхиньикэни уорбуттар. Нерюнгри куоракка баан счетуттан 18 тыһ.солк. уорбуттар.

Киһи өлүүлээх суол саахала бэлиэтэммэтэх. «Умнас» суол 16-с км-гэр икки массыына харсыһыытын түмүгэр икки киһи эчэйбит.

Суукка иһигэр итирик туруктаах тоҕус суоппары туттулар.